ഹൈദരാബാദ്: കേന്ദ്രത്തിൽ സർക്കാരുണ്ടാക്കാൻ പ്രാദേശിക പാർട്ടികളുടെ മുന്നണിയെ കോണ്ഗ്രസിനു വേണമെങ്കിൽ പിന്തുണയ്ക്കാമെന്ന് ടിആർഎസ്. രാഹുൽ ഗാന്ധിയെ ഡ്രൈവിംഗ് സീറ്റിൽ ഇരുത്തില്ലെന്ന നിബന്ധനയോടെയാണ് ഈ ക്ഷണം.
കഴിഞ്ഞ വർഷം മുതൽ പ്രാദേശിക പാർട്ടികളെ കൂട്ടിച്ചേർത്ത് മൂന്നാം മുന്നണി രൂപീകരിക്കാൻ തെലങ്കാന മുഖ്യമന്ത്രി കെ. ചന്ദ്രശേഖര റാവു. ശ്രമിച്ചിരുന്നെങ്കിലും മമത ബാനർജി ഒഴിച്ചുള്ള നേതാക്കൾ താത്പര്യം പ്രകടിപ്പിച്ചിരുന്നില്ല. ഇതോടെയാണ് കോണ്ഗ്രസുമായും സഖ്യമാകാം എന്ന നിലപാടിലേക്ക് ടിആർഎസ് എത്തുന്നത്.
മൂന്നാം മുന്നണി കേന്ദ്രത്തിൽ സർക്കാരുണ്ടാക്കുമെന്നു തന്നെയാണ് റാവു വിശ്വസിക്കുന്നതെന്നും ഇനി ഭൂരിപക്ഷം തികഞ്ഞില്ലെങ്കിൽ കോണ്ഗ്രസിനെ പുറത്തുനിന്നു പിന്തുണയ്ക്കാൻ അനുവദിക്കുമെന്നുമാണ് ടിആർഎസ് വക്താവ് ആബിദ് റസൂൽ ഖാൻ പറയുന്നത്.
